Baaise professor wil banke, kliënte met studie help.

3 Maart 2005, Die Burger
Prof. Madéle Tait van die departement ondernemingsbestuur aan die Nelson Mandela Metropolitaanse Universiteit (NMMU)

PORT ELIZABETH - 'n Professor aan die Nelson Mandela Metropolitaanse Universiteit (NMMU) is besig met 'n studie onder al die groot bankgroepe in die land om vas te stel watter faktore 'n invloed op banke se bestuur van kliënteverhoudinge het.

Prof. Madéle Tait, van die departement ondernemingsbestuur aan die NMMU, het verwys na die rekordgetal klagtes wat die Ombudsman vir Bankdienste in January ontvang het van mense wat probleme met hul banke en bankdienste het.

Mense se finansies is vir hulle belangrik. Hulle wil weet hul geld is veilig en dat hulle hul banke met hul geld kan vertrou. So ook wil hul weet dat die werknemers van hul banke bemagtig is om besluite te kan neem wat vir die kliënt voordelig is.

Mnr. Gary Sharp van die departement wiskundige statistiek aan dieselfde universiteit help Tait met haar navorsing. Tait voorsien dat sekere strategiëë uit die navorsing kan volg om banke in die bestuur van kliënteverhoudinge te help. Die resultate sal na verwagting einde Mei bekend wees. - (Riana de Lange)